Ti Desa Pikeun Kamajuan Nagara
Ti Desa Pikeun Kamajuan Nagara | Ngawangkongkeun ngeunaan kamajuan hiji nagara, moal bisa leupas tina ngabahas pangwangunan nasional. Hal eta pageuh pisan kakaitannana reujeung pangwangunan anu timbul disatiap wewengkon anu ngubeng dina jero hiji nagara.Pangwangunan nasional bisa disebutkeun aya hasilna lamun desa anu ngarupakeun rohang anu paling leutikna tina hiji nagara geus diperhatikeun sacara hade ku pamarentahan anu aya diluhurna, boh tina sisi kamajuan sinareng kamandiriannana dina sagala bidang pangwangunan.
Desa ngarupakeun hiji orhanisasi pamarentah anu sacara pulitik ngabogaan kawenangan anu tangtu pikeun ngurus reujeung ngatur rahayat atawa kaumna.
Kalawan posisi eta, desa ngabogaan laku anu penting dina nanjerkeun hasil anu hade ti pamarentah nasional sacara lega tur walatra. Balikta desa ngarupakeun garda pang hareupna dina ngahontal hadena hasil tina sagala urusan sinareng program ti pamarentah.
Nilik tina sisi ekonomi, wujudna desa ngabogaan laku anu kacida penting, utamana jadi salah sahiji ukuran (indikator) kuat atawa lemahna kaayaan ekonomi hiji daerah balikta kaayaan ekonomi hiji nagara.
Nilik tina sisi pulitik, desa oge bisa ngajadi hiji ukuran sora oge aspirasi pangdasarna rahayat anu hanteu meunang di popolerkuen, sok sanajan aya kaum rahayat lainna saperti anu aya didayeuh.
Kusabab kitu, desa ngarupakeun gambaran paling leutik pikeun pamarentahan. Sagala rupa perkara dimimitian tina perkara anu pang sederhanana jeung pang leutikna, saterusna ngembang kana perkara anu leuwih gede, sahingga tina kaayaan hiju desa, urang bisa ningali reujeung noong sakumaha kamajuan reujeung kasajatraan hiji nagara.
Pangwangunan nasional anu ditujukeun kana pangwangunan desa teh, tinangtu bakal gumantung kana gede leutikna biaya anu dibikeun ku pamarentah pusat. Ngaliwatan program pamarentah ku ayana Dana Desa anu di salurkeun ka desa-desa di satiap provinsi sa Indonesia, bisa mere mangfaat pikeun ngabantu kana ngaronjatkeun ekonomi reujeung ningkatkeun kasajahtraan masarakat.
Anggaran pamarentah anu sumberna tina Anggaran Pendapatan dan Belanja Negara (APBN) anu di bagikeun ka tiap desa sapinuhna disayogikeun pikeun jadi pasilitas pangwangunan reujeng ningkatkeun kamampuhan pamarentahan desa salaku bagian tina salah sahiji lembaga anu ngabantu kana lumangsungna pamaréntahan.
Patalina sareng pangwangunan désa, laku partisipasi masarakat penting pisan dina pangwangunan, mertimbangkeun yén masarakat lokal langkung sadar kana sagala rupa masalah sareng poténsi sumber daya anu aya pikeun ngagampangkeun perencanaan pangembangan sareng prosés palaksanaannana.
Kalayan peran partisipasi masarakat eta, hasil pangwangunan anu dilaksanakeun engké diperkirakeun bisa saluyu sareng kahayang sareng kabutuhan ti sakumna masarakat.
Tapi, aya sababaraha desa dina hal pamakean sareng manajemén aranjeunna masih keneh minim patalina sareng partisipasi masarakat anu sakedahna dilibatkeun.
Faktor anu mangaruhan kana saeutikna partisipasi masarakat dina ngokolakeun dana désa, eta teh kusabab kurangna sosialisasi ti pamaréntah désa ngeunaan program dana désa sareng faktor pendidikan anu kurang oge, anu antukna masarakat henteu ngartos kana program dana désa.
Hal ieu anu nyababkeun seueur anu nyelewengkeun dana desa tina anu sakuduna, nya tangtuna oge eta teh kusabab kurangna pangawasan ti masarakat, sahingga ngagunakeun dana desa eta reujeung molahkeunnana teu saluyu sareng sasaran anu sakuduna.
Ku sabab éta, penting pikeun aparat désa dipasihan pamahaman panggunaan sareng cara ngokolakeunnana, kalebet oge wargana yén aranjeunna ngagaduhan hak pikeun aub ogé dina ngarencanakeun sareng ngalaksanakeun pangwangunan ku dana desa anu aya, supados engké tiasa janten kasuksésan dina program pangwangunan désa anu mangrupikeun bagian pang pentingna pikeun pangwangunan nasional.
Panutup, mugia urang Cikembang tiasa langkung ngarti kana hak reujeung kawajibannana sahingga ngajadikeun ieu wewengkon anu pang punjulna di Kab.Bandung, mun bisa mah punjul ditingkat nasional. Amiin.
Hatur Nuhun
Posting Komentar untuk "Ti Desa Pikeun Kamajuan Nagara"